Предыдущая публикация
У рӱдер-влакымат почыт
Марий Элыште туризмым вияҥдыме проект-влакым илышыш пуртат.
Республик вуйлатыше Юрий Зайцевлан кундемыштына тиде сферым вияҥдыме шотышто мастер-планым ончыктеныт. Тушко 130 проект пурталтын. Нунын дене келшышын, икшыве дене пырля еш канышланат тӱткыш ойыралтын.
Тыгак ончыкыжым Изи Какшан эҥер серым тӱзатат, Воскресенский проспектым уэмден тӧрлатат, Йошкар-Олаште «Республик – миниатюрышто» парк-тоштерым ыштат, Медведево ипподромым, Чуркан ер воктене каныме базым вияҥдат.
Республикын касвел ужашыштыже Козьмодемьянск олам кокымшо кугу туристический рӱдерыш савыраш палемдалтеш. Тиде амал дене рӱдӧ ужашыжым, Юл эҥер серым, Шереметевысе паркым тӱзатат, «Юрино» да «Базарная площадь» турист рӱдерлам почыт.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен газетамарийэл.рф/u-rӱder-vlakymat-pochyt/
Следующая публикация
Нет комментариев