Предыдущая публикация
Шушаш У ий пайрем дене!
Кажне пел ийлан ик гана «Марий Эл» газетлан возалтше-влак коклаште лотерей модылтеш.
Модын налше-шамыч кокла гыч южыштлан призым редакций пашаеҥ-влак йӧн лекме семын шкеак намиен пуат, а южышт паша верыш толын налыт.
Мо гынат, пӧлек озажым муэш.
Теве Волжский район Нурмучаш Шайра ял гыч Вера Уткиналан 2024 ийын 2 пелыжлан подписке лотерей дене налме чапле махер простыньым Сотнур почтышто тыршыше Лидия Иванова кучыктен.
– Мо шарнем, Вера Никифоровна «Сурт-пече» ден «Марий Эл» газет-влаклан эреак подпискым ышта. Моло районласе яле илышым шергалаш йӧрата. Ты гана шкеак намиен пуышым, – ойла Сотнур селасе почтышто ятыр ий тыршыше Лидия Иванова.
– Лотерей пӧлекым икымше гана модын налынам. Тӱрлӧ увер, оҥай материал дене палдарымыланда кугу тау тыланда. Шушаш У ий пайрем дене саламлем! Таза лийза, ончыкыжымат пашада вораҥже, – мане Вера Никифоровна.
Елена Эшкинина
Л.Иванован фотожо
Елена Эшкинина
Л.Иванован фотожо
Следующая публикация
Нет комментариев