Предыдущая публикация
📰 Газетнан у номерыштыже лудаш темлена:
✅«Чылажат калык лӱмеш ышталтеш», –манеш Шернур районысо Кукнур ял шотан илем администраций вуйлатыше Леонид Долгушев. Леонид Семёнович Кукнур кундемынак эргыже, Куэр почиҥга ялеш шочын-кушкын. Ял администрацийым куд ий вуйлата. Ты кундемыште илыше калыкын илышыштыже тений могай вашталтыш лийын, мом ыштыме да ончыкыжым мом ыштышаш нерген «Ял илыш» лаштыкыште возымо.
✅ Креатив образований: мо тиде тыгай? Пытартыш жапыште ты муткылдыш чӱчкыдынрак йоҥгалтеш, поснак самырык тукымым туныктымо сферыште тудым кучылтыт. Тиде шомакым латин йылме гыч кусараш гын, «усталык» манмым ончыкта. Тугеже креатив образований – усталык шӱлышан образований лиеш. Таче тыгай туныктымо йӧнын кӱлешлыкше нерген утларак да утларак ойлат, тудым илышыш пуртымым вияҥдаш темлат. Креатив образований тыглай туныктымо системе деч мо дене ойыртемалтеш да чынжымак лектышыже уло мо? Тидын нерген «Образований» лаштыкым лудын пален налыда.
✅Тиде чолга ӱдыр 32 гана элнан чемпионжо лийын. Эртыше кечылаште тудлан Россий Федерацийын тауштымашыжым кучыктеныт. Мутна – спорт туризм да ориентирований дене Российын спорт мастерже Ксения Мубаракшина нерген. Тудын дене материалым «Онар тукым» лаштыкыште лудаш темлена.
✅10-шо декабрьыште Шкетан лӱмеш Марий кугыжаныш драме театрыште Марий Эл писатель ушемлан 90 ий теммым пайремлышна. Тиде мероприятийын кузерак эртымыж дене "Саламлымаш вӱд йогын семынак йогыш" материалыште палдарыме.
✅ Кодшо рушарнян Йошкар-Олаште Йӱштӧ Кугыза-влак рӱдолан уремлаж дене тӱшкан ошкылын эртеныт. Тӱҥалтыште нуно Патриарший площадьыште погынышо-шамычым куштыктеныт, варажым Чарла Кремль ден Тӱвыра да каныме рӱдӧ паркыште чылаштым модыктеныт, а мучашлан Ленин лӱмеш площадьыште У ий кожым чӱктеныт. Тиде мероприятий нерген кумданрак – «Фотолаштыкыште».
Следующая публикация
Нет комментариев