Предыдущая публикация
4-6 ноябрьыште Знание.
Первые шыже марафон эртен.
Марий Эл гыч тушко кум чолга студент миен. МарГУ-н Медицине факультетшын 3-шо курсыштыжо тунемше Ангелина Бахтина тушко мийымыж нерген каласкален: " Тиде кум кече жапыште тушто шкалан шуко ум пален налаш, палыме, лӱмлӧ еҥ-влакым ужаш сай йӧн лийын. Мутлан, мылам Николай Цискаридзен, Леон Кемстачын каласкалымыштым колышташ оҥай ыле. Тылеч посна мурызо-шамыч ST ден Akmal' мурыштым муралтеныт да ты корныш кузе толмышт нерген ойленыт. Тыгак чылаштлан шарнымашан пӧлекым кучыктеныт". МарГУ-н психологий ден педагогике факултетшын 2-шо курсыштыжо тунемше Татьяна Михееват ты мероприятийыште шкалан шуко пайдам налаш лиймым палемден.
Знание.Первые шыже марафонын рӱдӧ площадкыже Москваште "Манежыште" пашам ыштен, тыгак Якутск, Томск, Ханты-Мансийск, Нижнем Новгород, Архангельск, Пятигорск, Сочи ден Луганск олалаште площадке-шамыч лийыныт. Чылаже мероприятийыш элна мучко 25 тӱжет утла еҥ ушнен. Тыгак онлайн тарнсляций полшымо дене тудым миллион дене ӱдыр-рвезе шке шинчаж дене ужын кертыныт.
РФ Президент Администраций вуйлатышын икымше алмаштышыже Сергей Кириенко вес тыгай марафон шушаш ийын 6-8 майыште эрта манын каласен.
Следующая публикация
Нет комментариев