Предыдущая публикация
Марий Эл Республикым Вуйлатыше Юрий Викторович Зайцев делегат, участник да уна-влакым XII Всероссийский Марий калык погынын пашам ышташ тӱҥалмыж дене саламла.
Марий калыкын утларак чулым еҥже-влак кажне ныл ий гыч Россий Федерацийыште илыше социальный, экономический, политический да культур пашаште марий этносын интересшым тарватыше йодыш-влакым ончаш кугу да кӱлешан форумыш погынат.
Тыгай погынымашлаште пеш кӱлешан пунчал-влакым лукмо, марий калыкын национальный шамжым нӧлталаш, этнический ден духовный илышыжым вияҥден колташ йӧным ыштыше программный документ ден проект-влак ямдылалтыт да пеҥгыдемдалтыт.
Марий Республикын Правительствыже марий калыкын ойыртемалтше тӱвыражым, тудын шкешотан йӱлажым, тыгак йылмыжым арален кодымо да вияҥдыме йодышлан кугу тӱткышым ойыра.
Тидыже оҥай. XII Всероссийский Марий калык погыным эртарымаш Калыкын чак чумырген шогымо кечылан да Марий Эл Республикын кечыжлан пӧлеклалтше торжественный мероприятийлам эртарыме дене лачеш толын.
"Марий паркым» таче почмаш республикыште илыше еҥ-влаклан веле огыл, тыгак мемнан рӱдоланан – Йошкар-Олан – унаже-влаклан пӧлекыш савырнен.
Тылеч посна ме таче Кугу Отечественный сарын, локальный конфликт-влакын да специальный военный операцийын геройжо ден участникше-влакым курым-курымешлан шарнен илыме лӱмеш «Шочмо элын Геройжо-влак» музей-патриот рӱдерым почна.
Украиныште мемнан лӱмеш, Россий Федерацийын шуко национальностян калыкшын чак чумырген шогымыжо да эрыкше лӱмеш, Шочмо эл лӱмеш нацист йырнык ваштареш патырлын кредалше марий сарзына-влак ончылно вуемым савем.
Погынышто пайдале мутланымаш лиеш, тудын лектышыж почеш меман пеш кугу Российнам пеледыктышашлан вий-куатым ешарыше пунчалым лукмо лиеш манын ӱшанем.
Чыла делегат ден уна-влаклан сайын пашам ышташ, пеҥгыде тазалыкым, пиалым да илышыште чыла сайым тыланем!
Следующая публикация
Нет комментариев