Марий Эл вуйлатыше Юрий Зайцев Россий Федерацийын Кугыжаныш Советшын «Илышлан кӱлешан инфраструктуро» нацпроект йодыш дене комиссийын заседанийышкыже ушнен.
Россий правительстве председательын алмаштышыже Марат Хуснуллин кажне направлений дене регион-влак мом ыштышаш улмым келгын умылтарен, нацпроектыште пытартыш жапыште сай велым ончыктышо механизм-влакым кучылтмым палемден. Россий Минстройышто проектын структурыжым, эн кӱлешан показатель ден мероприятий-влакым иктеш чумырымо, кызыт каҥашымаш кая.
Чылаже 12 федеральный проект шыҥдаралтшаш. Марий Эл 9 федеральный проектыш ушнаш ямдылалтеш. Тӱҥ шотышто республикыште объект-влакым чоҥаш, уэмдаш да капитально олмыкташ палемдыме. Темлыме эше 2 проектын мероприятийже-влакым кызытеш федеральный кӱкшытыштӧ рашемден шуктымо огыл.
Заседанийын участникше-влак «Илышлан кӱлешан инфраструктуро» у нацпроектым тӱҥалме да умбакыже илышыш шыҥдарыме йодышым рашемденыт. «Оласе средам йӧнаным ыштымаш» федеральный проектат умбакыже шуйна.
Тылеч посна Россий Минтранс ден Россий МВД корно туткарым кораҥдыме, корно озанлыкым вияҥдыме да мер транспортым ситарыме пашам моло ийласе семынак наҥгаен шогат.
Марий Эл Республикым вуйлатышын пресс-службыжын уверже негызеш Лидия СЕМЕНОВА ямдылен
Денис РЕЧКИНЫН фотожо
Присоединяйтесь к ОК, чтобы подписаться на группу и комментировать публикации.
Нет комментариев