Предыдущая публикация
Кечышот ден калык пале: 16–22 сентябрь
Марий кечышот почеш:
21 сентябрь – Вольык илян.
22 сентябрь – Тӱня Юмын кечысавыртышыже – кече ден йӱд ик кужытан.
Марий йӱлан чинче тушыжо:
«О, поро Ош Кугу Юмо! Поро шонымашнам луктын ойлышна, кушко гына огына кай, кушто гына огына лий, Тый денет пырля улына. Тичмаш киндым шулмо годымат, тичмаш кочкышым тамлыме годымат Тыйын лӱметым налына. Сай илышым, тазалыкым, кужу ӱмырым пӱрӧ!»
«О, поро Ош Кугу Юмо! Ушан еҥ дене кутыраш ушым ешаре, чоя дене кутыраш важмалдык шомакым пу. Поро ден осалым ойыркален мошташ шотым пу. Родо-тукым, пошкудо-влак дене ӱстел йыр шинчын, пырля кочкаш-йӱаш пӱрӧ. Еҥ ден еҥ, калык ден калык, кугыжа ден кугыжа кокласе илышым эменландаре. Поро шӱлыш порылыкым кондыкто, лыжга мут кумылым нӧлталже, томам ой шӱмеш логалже. Кайык еш гай икте-весым йӧратен, вараксим гай вычыматен илаш йӧным пу, илыш вийым сакле!»
«Юзо ой» брошюр гыч налме, 1991 ий. https://газетамарийэл.рф/kechyshot-den-kalyk-pale-16- ..
Следующая публикация
Нет комментариев