Предыдущая публикация
📰 Газетнан у номерыштыже лудаш темлена:
✔️Тиде арнян журналистна-влак Звенигово район Эсмекпляк селаш миен коштыныт. Тудо кундемыште могай сай вашталтыш лийме, улшо нелылыкым кузе сеҥен толмо нерген «Ял илыш» лаштыкыште палдарыме.
✔️Эртыше кечылаште Йошкар-Оласе 14-ше №-ан гимназийыште «Защитники Отечества» кугыжаныш фондын Марий Элысе филиалже «Отечествым аралыше-влакын ешышт» акцийым эртарен. Тушко Кугу Отечественный сарын ветеранже Александр Курланов ден Марий Элын сулло артистше Татьяна Денисова миеныт. Мерприятийын кузерак эртымыж нерген «Патырлык» лаштыкыште возымо.
✔️27 сентябрьыште В.И.Ленин лӱмеш тӱвыра полатыште самодеятельный композитор, мурызо Виктор Комаровын «Мыланем 720 тылзе» лӱман концертше лиеш. Тудо 60 ияш лӱмгечыжлан пӧлеклалтын. Тидын вашеш тудын дене вашмутланымашым «Чарша шойыч» лаштыкыште лудаш темлена.
✔️Морко районысо Коркатово лицейын кугу кӱкшытыш шумыж нерген колдымо еҥже кундемыштына укеат дыр. Тушко республикнан тӱрлӧ районжо гыч веле огыл, пытартыш жапыште кумда Российын регионлаж гычат шинчымашым погаш толыт.
А тыгай кӱкшытыш лицей шке пашаштым йӧратен шуктышо туныктышо-влаклан кӧра шуын. Нунын кокла гыч иктыже – Валентина Михайловна Васильева. 12 сентябрьыште уста туныктышылан 75 ий темын. Тудын нерген «Ӱдырамаш корно» лаштыкыште лудын кертыда.
✔️Кодшо арнян Евсеев лӱмеш калыкле тоштерыште «Первозданная Россия» ончер почылтын. Тушко профессионал, тыгак тыглай фотограф-влак ушненыт. Выставке ик тылзе пашам ышташ тӱҥалеш. Ончерыш чумырымо ойыртемалтше паша-влакым «Фотолаштыкыште» ужаш лиеш.
Следующая публикация
Нет комментариев