Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации
21 кастрычніка ў чытальнай зале раённай цэнтральнай бібліятэкі прайшло ўрачыстае мерапрыемства, прысвечанае прысваенню ёй імя знакамітага земляка, ганаровага грамадзяніна горада Любані – пісьменніка Івана Андрэевіча Муравейкі. Многія гады Іван Андрэевіч быў частым госцем, актыўным чытачом бібліятэкі. Ён заўсёды з задавальненнем прымаў удзел у мерапрыемствах, рознага роду праектах, выступаў на сустрэчах з дзецьмі і моладдзю. У сценах цэнтральнай раённай бібліятэкі прайшлі прэзентацыі ўсіх кніг, створаных пісьменнікам. На ўрачыстым мерапрыемстве прысутнічалі: старшыня Мінскага абласнога аддзялення Саюза пісьменнікаў Беларусі Крыванос Леанід Міхайлавіч, заснавальнік школьнага літаратурнага музея Івана Андрэевіча Мураўвейкі Лазоўская Валянціна Міхайлаўна, узорны тэатр "Летуцэнікі" (рэжысёр В.С. Каткавец), дырэктар Любанскага музея Сіняк Наталля Мікалаеўна, начальнік аддзела ідэалагічнай работы, культуры і па справах моладзі Таццяна Мікалаеўна Аляксеева, сыны і ўнукі пісьменніка, а таксама ўсе аматары творчасці пісьменніка.
Нет комментариев