Предыдущая публикация
Вещката рупитты ху
Ас потты тыӆащ оӆаӊмет ӆапатан Артём Жога Уральской Федеральной округ яӆпа пирыйм куща ху округева ёхтыӆыйс. Шоши мувев, уӆты хоятӆаӆ па верты рупатайт вантты тумпийн воӆаӊ мойӆапсайн юкантам хоятат мойӆаптас.
Мойӆапса шитам хоятат кутан Владимир Романович Лонгортов. Ӆув Асов куртан хуӆ веӆпасӆыман рупитаӆ. Ӆаварт рупатайӆ вещката верман, партам планаӆ кашӊ таӆ тэкаптаман, ин тамхатӆ унты няӆъяӊ таӆ йи рупатайн рупитман па иса передовика этӆыман Владимир Романович «Заслуженный работник рыбного хозяйства» нэман юкантса.
«Еӆпи, муӊ ащев Роман Маркович Лонгортов ищи хуӆ па вой веӆпасӆыман рупитас. Ӆув «Отличник социалистического соревнования рыбной промышленности СССР» меваӆ посан мойӆаптаман ус. Ӆорвош район «Книга почёта» хоща нэмаӆ ханшман уӆ. Ащева хольмаӊ пеӆа ӆапат таӆ ус антома ювмаӆан. Володя яйем мет ун па вет эви апщи Аграфена Степановна ун антем ёша хащсув. Щи порайн ӆаварт рупата иса ун антем па яйем версаӊан. Яйем хуӆ веӆпасӆаты утаӆтаса. Армия эӆты ёхатмаӆ юпийн мохты хуӆ веӆпасӆаман рупитты питас. Щиты щи энампсув. Кушкепа, шукащты няврэмат энамты хота ант тусаюв. Ин муӊ хоӆыена шоши мувеван уӆӆув, утаӆтысув, рупитӆув. Владимир яйева ун мойӆапса ясаӊ китӆув. Ёшаӆ-кураӆ тумтак ат уӆ. Тураман ат шавиӆа», ¬– Светлана Романовна Носкина яйӆ эӆты потар тус.
Ханты мир хоятӆув ищи нын пиӆанан аматӆат. Самӆув ойн хувӆаӆайт, муй хорпи хоятат муӊ тайӆув. Владимир Романович нуптэн патэӆ унты тумтак уӆы. Ям айкеӆан хоӆна ар пуш ат ёхтыӆыӆаюв.
Хор: vk.com/popovolegshur
Следующая публикация
Комментарии 1