Предыдущая публикация
Пирыты хатӆата ӆэщатыман
Щёхар тыӆащ хутмет, ӆапатмет па нийӆмет хатӆатан Тюменской область па округ вошатан рупитты думаята депутатат пирыты питӆайт. Щи хатӆат кеша ӆэщатыман, избирательной участкат ӆарпитты хотат вантӆайт.
Пирыты участкат вантты комиссияя МВД, МЧС, Росгвардия, Пулңават куща ёх па вошаң избиркоман рупитты хоятат ӆоңман уӆӆат.
Хот ант ёсты ураңан, сый маты па тут хуратты хошапат вантсайт. Сопас оват па ким этты юшӆаӆ лап ант ат понман усат. Валэмаса, хоты полиция сора вохты кнопка рупитаӆ.
Мет оӆңа «Геолог» касты па каш верты хот вантса. Пирыты хатӆатан, тохи мет ар хоят ёхатаӆ. Вантам пормасат иса рупитӆат. Ким этты юшӆаӆ сыстамат.
«Хуӆам хатӆ сыс хоӆна хуӆамхощъяң участок вантты мосаӆ. Пирыты хатӆатан атам вер ант этты ураңан ар юр понман уӆ. Мосаӆ щиты верты, ванта, вошаң па мойң хоятат, няврэмат паӆтап ант тайман вошхулат хуват шушиӆысат, хотӆаӆн усат па пирыты хатӆатан избирательной участка таӆаң хоттэӆатан ёхатсат», – вош шавиты полиция хотан рупитты капитан Богдан Рублевский ястас.
Хор: Администрация Салехард
Следующая публикация
Нет комментариев