Мубаракрай!

Дагъустандин Кьил Сергей Меликован 2024-йисан 10-декабрдиз кьабулнавай 177-нумрадин Указдалди, лезгийрин машгьур шаир, таржумачи, хейлин йисара лезги чIалал акъатзавай «Дагъустандин дишегьли» журналдин редактор яз кIвалахай Гьуьсейнова (Фатуллаева) Пакизат Бейдуллаевнадиз «Дагъустандин халкьдин шаир» лагьай гьуьрметдин тIвар ганва.
Пакизат Фатуллаевади неинки са лезги, гьакIни Дагъустандин эдебият вилик финик еке пай кутунва. Адан къелемдикай хкатнавай ктабар кIелзавайбуру хушдиз кьабулнава, критикри хъсан къимет ганва. Эхиримжи йисара шаирди аялар патал эсерар кхьизва, катабар чапзава.
«Лезги газетдин» редакциядин коллективди Пакизат Бейдуллаевнадиз чIехи тIвар рикIин сидкьидай мубаракзава. Лайихлу дережа я! Къуй чи гьуьрметлу шаирдихъ чандин сагъвал, яргъи уьмуьр, мадни еке агалкьунар хьурай. Амин!