2 лістапада 2024 года Мастоўскі дзяржаўны музей "Лес і чалавек" прыме ўдзел у абласным фестывалі-кірмашы працаўнікоў вёскі «Дажынкі-2024».

Супрацоўнікі Мастоўскага музея «Лес і чалавек» разам з калегамі з Лідскага гісторыка-мастацкага музея, Гудзевіцкага дзяржаўнага літаратурна-краязнаўчага музея, Музея Вавёркі ў Вялікай Бераставіцы на свяце хлебаробаў прадставяць музейны дворык «Ад зярнятка да матчынага хлеба». Супрацоўнікі музеяў падрыхтавалі пляцоўкі «Матчын хлеб», «Фэст гарбаты і лекавых зёлак», «Абнаўленне гаспадаркі. У калгас да старшыні», «Земляробства вырошчванне збожжавых культур», «Ад хлеба вайны да хлеба Перамогі».
Запрашаем наведаць наш музейны дворык, дзе можна паспрабаваць свежы хатні хлеб і духмяную травяную гарбату.