Предыдущая публикация
Гьалал деген атым булан яшарман
Талавурчу боларсан деп анабыз,
Бешик йырлар йырламагъан, билемен.
Къуйрукъ сюртюп, яяв ёлгъа чыкъсам да,
Нажжаслардан аш гесегин тилемен.
Къыйынлы гюн сюр бёрк гийип башыма,
Очарланы ташларында къатмадым.
Атам берген яшлай магъа намусум
Алтынлагъа, акъчалагъа сатмадым.
Ёкъ гьарамлыкъ, сабан сюрюп авлакъда
Тер тёгюлген ашым ёлда ашарман.
Бахчадагъы гётермели чарлакъда
Гьалал деген атым булан яшарман.
Зайнарбек Зайнарбеков
Следующая публикация
Нет комментариев