Предыдущая публикация
ДЗЕНЬ У ГIСТОРЫI.
31 жнiўня.
1449 - Падпісана пагадненне паміж вялікім князем ВКЛ Казімірам IV і вялікім князем маскоўскім Васілём II Цёмным, вынікам якога стаў працяглы перыяд мірнага развіцця Вялікага княства Літоўскага (да канца XV ст.).
1559 - Лівонскі ордэн перайшоў пад пратэктарат Вялікага княства Літоўскага.
1768 - Нарадзіўся Раймонд Корсак (в. Жукоўшчына, цяпер Дзятлаўскі р-н), паэт, удзельнік паўстання 1794 г. Нарадзіўся ў в.Жукоўшчына Дзятлаўскага раёна, польскі паэт. Вучыўся ў піяраў у Варшаве.
Вывучаў права ў Кракаўскім універсітэце. Служыў у войску. Працаваў у Літоўскай скарбнай камісіі. З пач. 90-х жыў у Гродне. Удзельнічаў у паўстанні 1794г. Быў арыштаваны расійскімі ўладамі, зняволены ў Гродне і Вільні. З 1797г. – на Падоле, дзе быў абвінавачаны ў антыдзяржаўнай дзейнасці і зняволены ў Камянцы Падольскім. З 1790-х гадоў друкаваў ў варшаўскіх і віленскіх перыёдыках трагедыі, пасланні, паэмы, оды, байкі, пародыі, эпітафіі. Перакладаў на польскую мову Лафантэна і інш.
1835 - Памёр Людвік Міхаіл Пац, вайсковы дзеяч, удзельнік паўстання 1830-1831 гг.
1838(?) - Нарадзіўся Андрэй Патабня (сяло Перакопаўка, цяпер Сумская вобл., Украіна), удзельнік вызваленчага паўстання 1863-1864 гг.
1931 - У Чорным моры загінуў Арсен Канчэўскі, дзеяч Камуністычнай Партыі Заходняй Беларусі і Таварыства Беларускай Школы.
1996 - Памёр Пятрусь Макаль, літаратар.
1997 - У Іванаве (Берасцейская вобл.) устаноўлены помнік Напалеону Орду.
Следующая публикация
Нет комментариев