ДЗЕНЬ У ГІСТОРЫІ.

7 лютага.
1546 - Нарадзіўся Фёдар Еўлашоўскі (мяст. Ляхавічы), грамадскі дзеяч Вялікага княства Літоўскага, пісьменнік. Памёр у першай палове 1619 г.
1881 - Нарадзіўся Рамуальд Зямкевіч (г. Варшава, Польшча), бібліяфіл, бібліёграф, публіцыст, краязнавец, перакладчык. Загінуў у канцлагеры Асвенцім (1943 г. ці 1944 г.).
1891 - Памёр Вінцэнт Каратынскі, паэт, публіцыст, перакладчык.
1892 - Нарадзіўся Антон Сокал-Кутылоўскі (в. Красная Горка, цяпер Лунінецкі пав.), вайсковы і грамадскі дзеяч, адзін з кіраўнікоў антысавецкага Слуцкага паўстання (Слуцкага збройнага чыну), вязень ГУЛАГу.
1893 - Нарадзіўся Рыгор Рак (мяст. Дукора, цяпер Пухавіцкі р-н), краязнавец.
1926 - У Менску адбыўся Першы ўсебеларускі краязнаўчы з'езд (доўжыўся да 11 лютага 1926 г.).
1992 - Адбыўся Устаноўчы з'езд (доўжыўся два дні) Беларускай асацыяцыі ахвяраў палітычных рэпрэсій.