Предыдущая публикация
ДЗЕНЬ У ГІСТОРЫІ.
7 снежня.
1506 - У Гародне вялікі князь літоўскі Жыгімонт I Стары выдаў прывілей, які замацоўваў юрыдычныя нормы, запісаныя ў прывілеях асобным землям, валасцям і гарадам Вялікага княства Літоўскага.
1824 - Нарадзіўся Юльян Бакшанскі (маёнт. Тупалынчына, цяпер Смаргонскі р-н), удзельнік вызваленчага руху, камандзір паўстанцкага аддзела ў 1863 г., публіцыст.
1863 - Памёр Ануфры Петрашкевіч, філамат, паэт, архівіст, удзельнік паўстання 1830-1831 гг. Нарадзіўся ў Шчучыне (1793 г.).
1878 - Нарадзіўся Андрэй Зязюля (сапр. Аляксандр Астрамовіч; в. Навасады, цяпер Ашмянскі р-н), каталіцкі святар, паэт.
1921 - У Заходняй Беларусі ў Радашковічах заснавана Таварыства Беларускай Школы (дзейнічала да 1937 г.).
1926 - У Вільні выйшаў першы нумар газеты "Narodny zwon" (выдавалася да 30 сакавіка 1927 г.).
1943 - У Менску невядомымі забіты Вацлаў Іваноўскі, грамадска-палітычны дзеяч, адзін са стваральнікаў Беларускай Сацыял-Дэмакратычнай Грамады, асветнік, выдавец, міністр асветы ў Радзе Беларускай Народнай Рэспублікі. Бургамістр Менска ў акупацыю. Пахаваны на Кальварыйскіх могілках у Менску.
1998 - У Менску памёр Леанід Пракопчык, краязнавец, пісьменнік.
Следующая публикация
Нет комментариев