Предыдущая публикация
ДЗЕНЬ У ГІСТОРЫІ.
14 лістапада
1812 - Нарадзіўся Паўлюк Багрым (в. Крошын, цяпер Баранавіцкі р-н), паэт. Памёр каля 1891 г., пахаваны на радзіме.
1905 - Нарадзіўся Міхась Васілёк (сапр. Касцевіч Міхаіл; в. Баброўня, цяпер Гарадзенскі р-н), паэт, актывіст Беларускай Сацыял-Дэмакратычнай Грамады, Таварыства Беларускай Школы.
1907 - Нарадзіўся Міхась Ларчанка (в. Хварасцяны, цяпер Слаўгарадскі р-н), літаратуразнавец і крытык, які ў 1956 г. быў абвінавачаны ў "нацыяналізме".
1916 - У Санкт-Пецярбургу (тады Петраградзе, Расея) выйшаў першы нумар грамадска-літаратурнай газеты "Дзянніца" (выдавалася да 13 студзеня 1917 г.). Рэдактар-выдавец Цішка Гартны.
1916 - У Санкт-Пецярбургу (тады Петраградзе, Расея) выйшаў першы нумар грамадска-палітычнай газеты "Светач" (выдавалася лацінкай да 13 студзеня 1917 г.). Рэдактар-выдавец Эдзюк Будзька.
1920 - Пачаўся Беларускі з'езд Случчыны (доўжыўся 14-15 лістапада).
1933 - Нарадзіўся Леанід Пракопчык (г. Менск), краязнавец, пісьменнік.
1939 - Заходняя Беларусь афіцыйна ўключана ў склад БССР.
1978 - У Лос-Анджэласе (ЗША) памёр Уладзімір Клішэвіч, паэт, публіцыст, вязень савецкіх турмаў, дзеяч эміграцыі ў ЗША.
1986 - У Маскве (Расея) памёр Мікола Улашчык, гісторык, археограф, археолаг, этнограф, краязнавец, літаратар. Пахаваны на Чыжоўскіх могілках у Менску.
1987 - Памёр Факунда Несцяровіч, удзельнік антыкамуністычнага падпольнага вучнёўскага руху на Мядзельшчыне, вязень савецкіх канцлагераў.
1990 - У Парыжы (Францыя), у будынку ЮНЕСКА, адбылася святочная цырымонія ў гонар 500-х угодкаў са дня нараджэння Францыска Скарыны.
Следующая публикация
Нет комментариев