27 верасня.
1422 - Каля возера Мельна (у сутоках рэк Вісла і Аса, Польшча) падпісаны мір паміж Каралеўствам Польскім з Вялікім княствам Літоўскім і Тэўтонскім ордэнам, які канчаткова завяршыў апошнюю вайну паміж імі.
1533 - У Румыніі нарадзіўся Стафан Баторы, вялікі князь літоўскі і кароль польскі.
1605 - Адбылася Кірхгольмская бітва (цяпер г. Саласпілс, Латвія) паміж войскамі Вялікага княства Літоўскага на чале з Янам Хадкевічам і Швецыі, у якой перамагло вялікакняжацкае войска.
1892 - Нарадзіўся Сяргей Баран (в. Віцькі, цяпер Гарадзенскі р-н), грамадска-культурны дзеяч, педагог. Загінуў у савецкім зняволенні (1937? г.).
1909 - Нарадзіўся Лукаш Калюга (сапр. Кастусь Вашына; в. Скварцы, цяпер Дзяржынскі р-н), пісьменнік.
1920 - Войскі Станіслава Булак-Балаховіча занялі Пінск.
1921 - У Коўне выйшаў першы нумар газеты "Святазар", орган беларусаў-вайскоўцаў у Літве (выдавалася да 18 красавіка 1922 г.).
1924 - Нарадзіўся Паўло Андрусішын, украінска-беларускі дзеяч эміграцыі ў ЗША, бацька Данчыка (Андрусішын Багдан).
1972 - У Мюнхене (Нямеччына) памёр Сымон Кандыбовіч, грамадска-палітычны дзеяч.
1997 - У Полацкі Спаса-Ефрасінеўскі манастыр урачыста перанесены вобраз Крыжа Святой Ефрасінні Полацкай.
Присоединяйтесь к ОК, чтобы подписаться на группу и комментировать публикации.
Нет комментариев