ДЗЕНЬ У ГІСТОРЫІ.

14 лютага.
1800 (ці 1799 г.) - Нарадзіўся Валенці Ваньковіч (в. Калюжыца, цяпер Бярэзінскі р-н), мастак.
1906 - Нарадзіўся Мікола Улашчык (в. Віцкаўшчына, цяпер Дзяржынскі р-н), гісторык, археограф, археолаг, этнограф, краязнавец, літаратар.
1907 - Нарадзіўся Алесь Звонак (г. Менск), пісьменнік, перакладчык, вязень сталінскіх турмаў.
1914 - Нарадзіўся Павел Масленікаў (в. Нізкая Вуліца, цяпер Магілёўскі р-н), жывапісец, тэатральны мастак, педагог.
1924 - У Вільні выйшаў першы нумар газеты "Голас Беларуса" (выходзіла да 16 красавіка 1924 г.). Рэдактар-выдавец Мікола Шыла.
1937 - У в. Вялікая Лябёдка (цяпер Шчучынскі р-н) памёр Напалеон Чарноцкі, публіцыст, перакладчык.
1937 - У в. Сычын (цяпер Слаўгарадскі р-н) нарадзіўся Міхась Стральцоў, пісьменнік, крытык, перакладчык.
1948 - У Рыдзе (Аўстрыя) на сходзе беларусаў лагера для перамешчаных асобаў (ДП) было створана Згуртаванне Беларусаў у Аўстрыі. Першы старшыня Аляксандр Яцэвіч (Змагар).
1989 - У Канадзе памёр Вінцэнт Жук-Грышкевіч, педагог, гісторык, літаратуразнавец, дзеяч эміграцыі ў Італіі, Вялікабрытаніі, Нямеччыне і Канадзе, старшыня Рады Беларускай Народнай Рэспублікі (1970-1982 гг.). Пахаваны на беларускіх могілках у Іст-Брансвіку (Нью-Джэрсі, ЗША).