Предыдущая публикация
ДЗЕНЬ У ГІСТОРЫІ.
10 лютага.
1452 - Памёр Свідрыгайла, вялікі князь літоўскі (1430-1432 гг.). Нарадзіўся каля 1370 г.
1868 - Нарадзіўся Карусь Каганец (сапр. Казімір Кастравіцкі) (г. Табольск, Расея), паэт, пісьменнік, перакладчык, мастак, удзельнік нацыянальна-вызваленчага руху.
1882 - Нарадзіўся Францішак Умястоўскі (г. Вільня), пісьменнік, публіцыст-"нашанівец". Загінуў у траўні 1940 г., верагодна ў Катыні.
1883 - Нарадзіўся Станіслаў Булак-Балаховіч (маёнт. Мейшты, цяпер Браслаўскі р-н), вайскова-палітычны дзеяч, кіраўнік паўстання супраць савецкай улады. Загінуў у верасні 1939 г. пры абароне Варшавы.
1909 - Памёр Эдвард Паўловіч, мастак, асветнік, удзельнік паўстання 1863-1864 гг., мемуарыст.
1927 - У Менску пачаўся Другі ўсебеларускі краязнаўчы з'езд (доўжыўся да 13 лютага).
1938 - У Вязьме (Смаленская вобл., Расея) расстраляны Максім Гарэцкі, пісьменнік, літаратуразнавец, фалькларыст, лексікограф, мысляр.
1980 - Памёр Браніслаў Ржэўскі, літаратуразнавец, педагог, дысідэнт, палітычны вязень. Пахаваны ў Гародне.
1990 - У Менску з ініцыятывы Беларускага Народнага Фронту адбыўся Усебеларускі Дэмакратычны Форум, на якім утвораны перадвыбарчы Беларускі дэмакратычны блок.
1994 - У Гародне, пасля збіцця невядомымі, памёр Антон Сцяпура, дзеяч нацыянальнага руху, сябар Беларускага Народнага Фронту. Пахаваны на могілках на прасп. Касманаўтаў у Гародне.
Следующая публикация
Нет комментариев