Предыдущая публикация
ДЗЕНЬ У ГІСТОРЫІ.
6 лютага.
1772 года ў Менску першы раз адзначалі Дзень места, ладзіліся кірмашы, гулянні і забавы. Свята было звязана з асобай святога Феліцыяна, апекуна Менску.
1898 - Нарадзіўся Леў Акіншэвіч (г. Санкт-Пецярбург, Расея), гісторык, дзеяч эміграцыі ў ЗША. Памёр у Нью-Йорку (1980 г.).
1906 - Нарадзіўся Тамаш Падзява (в. Пярхулёва Дзісьненскага пав.), каталіцкі святар-марыянін, філосаф, тэолаг, публіцыст, рэлігійна-культурны дзеяч, вязень савецкіх канцлагераў.
1914 - Нарадзіўся Аркадзь Куляшоў (в. Саматэвічы, цяпер Касцюковіцкі р-н), паэт, перакладчык.
1920 - У Слуцку выйшаў першы нумар газеты "Наша каляіна", органа арганізацыі "Папараць-кветка" (выдавалася да 4 сакавіка 1920 г.). Рэдактар А. Бараноўскі.
1964 - У Менску нарадзіўся Уладзімір Ляхоўскі/Працаваў ў Інстытуце гісторыі Нацыянальнай АН Беларусі. Кандыдат гістарычных навук. Ганаровы член Нацыянальнага гістарычнага музея Беларусі.
Даследаваў праблемы гісторыі культуры і адукацыі, развіцця беларускага нацыянальнага руху і стварэння грамадства Беларусі ў ХІХ - ХХ стст. Аўтар больш за 100 навуковых прац, многіх артыкулаў у часопісах "Спадчына", "Архэ", "Наша вера", "Беларускі гістарычны часопіс" і інш.
Узнагароджаны медалём Ф.Багушэвіча Беларускага ПЭН-цэнтра.
1995 - У Менску памёр Валянцін Рабкевіч, літаратуразнавец, перакладчык, паэт. Пахаваны ў в. Аксаміты Капыльскага р-на.
Следующая публикация
Нет комментариев