ДЗЕНЬ У ГІСТОРЫІ.

5 лютага.
1637 - У Вільні памёр Язэп Вельямін Руцкі, царкоўна-палітычны дзеяч, уніяцкі мітрапаліт, пісьменнік-палеміст. Пахаваны ў Святатраецкім манастыры. Нарадзіўся ў в. Рутка Наваградскага р-на (1573 г. ці 1574 г.).
1916 - Нарадзілася Валянціна Пашкевіч (дзяв. Жукоўская), дзеяч эміграцыі ў Канадзе, аўтар беларускіх падручнікаў і адна з аўтараў "Ангельска-беларускага слоўніка".
1946 - ўступіла ў дзеянне „Дамова паміж СССР і Польскай Рэспублікай аб савецка-польскай дзяржаўнай мяжы“. Юрыдычна зафіксаваны пераход Заходняй Украіны і Заходняй Беларусі ад Польшчы да СССР. Польшчы перадавалася Беластоцкая вобласць.
2001 - У Глен Коў (Нью-Йорк, ЗША) памёр Масей Сяднёў, літаратар, вязень савецкага канцлагеру, дзеяч эміграцыі ў Нямеччыне і ЗША. Пахаваны на беларускіх могілках у Саўт-Рыверы (Нью-Джэрсі, ЗША).