Предыдущая публикация
ДЗЕНЬ У ГІСТОРЫІ.
6 студзеня.
1610 - Памёр Андрэй Волан, грамадскі дзеяч, філосаф, правазнавец, пісьменнік. Пахаваны ў Біюцішках. Нарадзіўся ў маёнт. Біюцішкі, цяпер Ашмянскі р-н (1530 г.).
1892 - Нарадзіўся Адам Станкевіч (в. Арляняты, цяпер Смаргонскі р-н), рымска-каталіцкі святар, грамадска-культурны дзеяч, асветнік, культуролаг, літаратуразнавец, выдавец, публіцыст.
1914 - Нарадзіўся Тодар Лебяда (сапр. Пятро Шырокаў; г. Віцебск). Пісьменнік, дысідэнт, вязень ГУЛАГу. Памёр у пач. 1970 г., пахаваны ў пасёлку Воршава (Пуцяцінскі р-н, Разанская вобл., Расея).
1919 - Нарадзілася Аўгіння Каранеўская (дзявоч. Воўк-Левановіч; маёнт. Ясны Лес на Бабруйшчыне), настаўніца, дзеяч эміграцыі ў Аўстраліі.
1943 - У Менску ў турме памёр Антон Неманцэвіч, уніяцкі святар, царкоўны дзеяч, вязень савецкіх і фашысцкіх турмаў.
1945 - У Швейцарыі памерла Магдалена Радзівіл, дзеяч культурнага руху, мецэнатка.
1963 - У Падмаскоўі (Расея) памёр Андрэй Александровіч, пісьменнік, вязень савецкіх канцлагераў. Пахаваны на Усходніх могілках у Менску.
2004 - У Нью-Йорку (ЗША) памёр Янка Юхнавец, пісьменнік, дзеяч эміграцыі ў ЗША. Паводле ягонага тастаменту, цела было спалена, а попел развеяны ў Нью-Йорку.
Следующая публикация
Нет комментариев