Предыдущая публикация
ДЗЕНЬ У ГІСТОРЫІ.
10 снежня.
1574 - Нарадзіўся Мікалай Ланчыцкі, дзеяч культуры, тэолаг, педагог. Памёр у 1653 г.
1831 - У Парыжы (Францыя) ўтворана Таварыства літоўскіх і рускіх зямель - грамадска-палітычная арганізацыя, куды ўваходзілі ўраджэнцы Беларусі, Літвы і Украіны.
1852 - Нарадзіўся Вандалін Шукевіч (в. Нача, цяпер Воранаўскі р-н), археолаг, этнограф, калекцыянер.
1865 - Расейскі царскі ўрад забараніў асобам каталіцкага веравызнання і "польскага паходжання" купляць і арандаваць зямлю на Беларусі.
1870 - Нарадзіўся Фердынанд Рушчыц (маёнт. Багданава, цяпер Валожынскі р-н), польскі і беларускі мастак, педагог, тэатральны дэкаратар.
1888 - Нарадзіўся Мікола Дзямідаў (Беласточчына, цяпер Польшча), вайсковы і грамадска-палітычны дзеяч; арганізатар батальёна беларускай самааховы ў Лідзе.
1918 - Бальшавіцкія войскі ўвайшлі ў пакінуты немцамі Менск.
1945 - У Рэгенсбургу (Нямеччына) адкрылася беларуская гімназія імя Янкі Купалы (дырэктар Аляксандр Орса).
1954 - У Лепелі адкрыўся краязнаўчы музей.
1996 - Памёр Роберт Тамушанскі, рэлігійны і грамадска-культурны дзеяч ў Вялікабрытаніі і Ватыкане, філолаг, публіцыст.
Следующая публикация
Нет комментариев