Предыдущая публикация
ДЗЕНЬ У ГІСТОРЫІ.
13 лістапада.
1655 - Войска Вялікага княства Літоўскага пад кіраваннем гетмана Паўла Стафана Сапегі перамагло маскоўскае войска на рацэ Лясной паблізу Берасця.
1625 - Памёр Саламон Рысінскі, паэт, філосаф, этнограф, педагог. Верагодна, пахаваны ў в. Далятычы, цяпер Наваградскі р-н. Нарадзіўся ў в. Рысін, цяпер Себежскі р-н Пскоўскай вобл., Расея (1560? г.).
1836 - Нарадзіўся Яраслаў Дамброўскі (г. Жытомір, цяпер Украіна), дзеяч нацыянальна-вызваленчага руху.
1892 - Нарадзіўся Язэп Троська (сапр. Дудзюк; в. Лаша, цяпер Гарадзенскі р-н), гісторык, краязнавец, педагог. Загінуў пасля 1930 г. у савецкіх турмах.
1942 - Памёр Уладзіслаў Талочка, рэлігійны і культурна-асветны дзеяч, кульуролаг, гісторык, літаратуразнавец. Пахаваны на могілках Росы ў Вільні.
1943 - Савецкімі партызанамі ў рэдакцыі "Беларускай газеты" забіты Уладзіслаў Казлоўшчык (сапр. Казлоўскі), грамадска-палітычны дзеяч, паэт, публіцыст, выдавец. Пахаваны на Кальварыйскіх могілках у Менску.
1985 - Памёр Антон Валынчык, хормайстар, кампазітар, педагог. Пахаваны на могілках на прасп. Касманаўтаў у Гародне.
1989 - Памёр Фёдар Янкоўскі, мовазнавец. Пахаваны на Усходніх могілках у Менску.
1993 - Вярхоўны Савет Рэспублікі Беларусь прыняў Закон "Аб ахове гісторыка-культурнай спадчыны" (на ўлік узяты 16(!), з тысячы помнікаў гісторыі і культуры).
Следующая публикация
Нет комментариев