7 кастрычніка
1765 - Нарадзіўся Міхал Клеафас Агінскі (мяст. Гузава, цяпер Жырардоўскі пав. Мазавецкага ваяв., Польшча), дзяржаўны дзеяч Рэчы Паспалітай, кампазітар, удзельнік паўстання 1794 г.
1788 - Нарадзіўся Іван Насовіч (в. Гразівец, цяпер Чавускі р-н), мовазнавец-лексікограф, фалькларыст, этнограф.
1900 - У Жэневе (Швейцарыя) памёр Уладзіслаў Малахоўскі, адзін з кіраўнікоў паўстання 1863-1864 гг. Нарадзіўся ў маёнт. Маце, цяпер Кобрынскі р-н (1827 г. ці каля 1830 г.).
1911 - Памерла Соф'я Трашчкоўская (Тшашчкоўская), паэтэса, фалькларыстка, перакладчыца. Пахавана на могілках в. Бабоўня, цяпер Капыльскі р-н). Нарадзілася ў в. Дарагавіца, цяпер Капыльскі р-н (1847 г.).
1912 - Нарадзіўся Юры Попка (хутар Высокі Груд, цяпер Пружанскі р-н), грамадскі дзеяч, выдавец, пісьменнік, дзеяч эміграцыі ў Нямеччыне.
1920 - У Сувалках (цяпер Польшча) падпісана польска-літоўскае пагадненне, паводле якога была ўтворана Сярэдняя Літва — польская марыянеткавая дзяржава.
1937 - Расстраляны Сямён Клінцэвіч, дзеяч заходнебеларускага нацыянальнага руху, актывіст Камуністычнай Партыі Заходняй Беларусі. Нарадзіўся ў мяст. Трабы, цяпер Іўеўскі р-н (красавік 1899 г.).
1939 - Расстраляны Раман Скірмунт, палітычны і грамадскі дзеяч.
Присоединяйтесь к ОК, чтобы подписаться на группу и комментировать публикации.
Нет комментариев