Предыдущая публикация
ДЗЕНЬ У ГІСТОРЫІ.
15 верасня.
1648 - Ля в. Гершоны (цяпер Берасцейскі р-н) забіты Афанасій Філіповіч,палітычна-царкоўны дзеяч, пісьменнік-публіцыст. У жніўні 1649 г. кананізаваны як праваслаўны святы. Нарадзіўся на Берасцейшчыне ў 1597 г.
1830 - У Гародне адкрылася публічная бібліятэка (цяпер абласная бібліятэка імя Яўхіма Карскага).
1845 - У маёнт. Юзэфаў (цяпер Люблінскае ваяв., Польшча) памёр Францішак Ксаверы Несялоўскі, удзельнік паўстанняў 1794 г. і 1830-1831 гг.
1855 - Нарадзіўся Канстанцін Аляксееўскі (Віленская губ.), дзеяч нацыянальнага руху. Памёр пасля 1918 г.
1862 - Памёр Уладзіслаў Сыракомля (сапр. Людвік Кандратовіч), беларускі і польскі паэт-гуманіст, пісьменнік, публіцыст. Пахаваны на могілках Росы ў Вільні.
1918 - Нарадзіўся Уладзіслаў Салавей, рэлігійны дзеяч замежжа, душпастыр беларускіх каталікоў і грэка-каталікоў у Нямеччыне. Памёр у 1974 г.
1919 - У Менску на базе 3-й менскай павятовай вучэльні створана беларуская гімназія.
1965 - У в. Скурац (Седлецкі пав. Мазавецкага ваяв., Польшча) памёр Казімір Смулька, каталіцкі душпастар ордэна марыянаў, манах.
1997 - Памёр Рудольф Пастухоў, пісьменнік, грамадскі дзеяч.
2002 - У Бяліцы Лідскага р-на ўстаноўлены памятны крыж і мемарыяльная пліта ў гонар бітвы 1659 г., калі шляхта Лідскага пав. дала бой 30-тысячнаму маскоўскаму войску. Лідскае паспалітае рушэнне паспрабавала не пусціць ворага на пераправу цераз Нёман, але сілы былі не роўныя. Лідская шляхта цэлы дзень трымала пераправу, аднак пад ударамі артылерыі ноччу адступіла. (праз месяц памятныя знакі былі знішчаны ўладай).
Следующая публикация
Нет комментариев