Предыдущая публикация
ХУШХАБАР ДАР БОРАЙИ ЧИЗ?
1. Хушхабар ас Худъой дар борайи чиз?
Худъой хойихъ кихът лак Въи банда хушбахт вид. Йуйи офарид чуд зимадъат ар чиз въамти ца, дӯнҷат живъҷи маш. Баназдикита Худъой фук мардум зиндаги биди кихът. Дунйондита ачга дардъат ғам насӯд. Хъойет Ирмиё 29:11.
Йичидӯм окимийати зуровъарийат, касалийат мидовъ бас найат. Аммо йаст йи хушхабар. Баназдикита Худъой фук окимийатен Ху окимийати бидал кихът. Въи давърата одамен осойахъатъ, бе касали зиндаги кинен. Хъойет Ишаъё 25:8; 33:24; Дониёл 2:44.
2. Чизард маш бойад дар борайи хушхабар фамам?
Дардъат азобта йик въи въахт тайор сӯд, арвъахта Худъой ганда одамен ас заминти тарпали ца кихът (Сафанё 2:3). Йид-та цавъахт сӯд? Китоби Муқаддасанд пироки нивишчин вуд дар борайи йик мев рузен. Йик мадъ нихъӯнайен дивесен Худъой руз наздик.
3. Маш бойад чирам?
Маш бойад дар борайи Худъой ас Въи Калӯмти, йани Китоби Муқаддас дӯниш зезам. Китоби Муқаддас бофт мӯнанд чидовъ тар хат, аранг дод ху зирйотенард ца нивишт. Йамти нивишчин, царанг нур-рузанд ху зиндаги биди чидовъ ат царанг ойандайанди сазовъори бийихът зимадъти ситовъ бофт. Йаст йилавенард хуш найодъд, ту Китоби Муқаддас ца хъойи. Дисга имкӯнийат Худъой въада ца дъид хушбахтатъ зимадъти зиндаги чидовъ, бодъ мадъа. Хъойет Масалҳо 29:25; Ваҳй 14:6, 7.
Следующая публикация
Нет комментариев