Предыдущая публикация
“МЫ НА МАТЧЫНАЙ МОВЕ ЖЫВЁМ”
Да ўдзелу ў V міждзяржаўным расійска-беларускім конкурсе літаратурнай аматарскай творчасці “Мы на матчынай мове жывём”, прысвечаным міжнароднаму Дню роднай мовы, запрашае ДУК “ЦКС Краснапольскага раёна”.
2025 год – асаблівы. Спаўняецца 25 год устанаўлення ЮНЕСКА міжнароднага Дня роднай мовы.
Арганізатар конкурсу – народны аматарскі літаратурны калектыў “Світанак” (кіраўнік Валянціна Марчанка) Краснапольскага РЦК.
Творы паэзіі і прозы Вашай аўтарскай творчасці журы ацэніць у намінацыях “Мая родная мова” (творы, прысвечаныя роднай мове, – рускай ці беларускай) і “На роднай мове гавару” (творы на любую тэму, напісаныя на роднай мове, – рускай ці беларускай). Да ўдзелу ў конкурсе запрашаюцца аматары літаратурнай творчасці без абмежавання ўзросту.
Тэксты работ разам з заяўкай прымаюцца на электронны адрас kulturakrа sn@tut.by , або па адрасу: 213561, г. п. Краснаполле, вул. Савецкая, 2, РЦК.
Дэдлайн – 10 лютага 2025 года.
У зяўцы ўказаць: назву твора, намінацыю, прозвішча, імя, імя па бацьку, месца работы або вучобы, пасаду, узрост, электронны адрас (для афармлення і адпраўкі дыплома). У заяўцы адзначыць магчымасць удзелу ў цэрымоніі падвядзення вынікаў і ўзнагароджвання, якая адбудзецца ў традыцыйнай творчай гасцёўні “Не адракуся спадчыны сваёй”.
Творчая гасцёўня збярэ аматараў літаратурнай творчасці і народнай спадчыны 20 лютага ў 10 гадзін у Краснапольскім РЦК.
Удзельнікам, якія не змогуць прыняць удзел у гасцёўні, дыпломы будуць дасланы па электроннай пошце.
Пытанні можна задаць па тэл. 802238 71676; (33)6281198 (Валянціна Марчанка).
Шануйце родную мову, пішыце і размаўляйце на ёй! Яна нас вылучае ў свеце і яднае!
Следующая публикация
Комментарии 3