Предыдущая публикация
ПРАЕКТ “БЕЛЫЯ РОСЫ” НА КРАСНАПОЛЬШЧЫНЕ
Вядучыя тэлепраекта “Белыя росы” разам з замежным госцем з Ірана наведалі і наш правінцыяльны куток. А вандруюць яны, як вядома, каб зазірнуць у розныя куткі Беларусі і пабачыць яе прыгажосць, зразумець менталітэт беларусаў і сустрэць новых сяброў.
Нямала ўражанняў атрымалі госці ад сустрэчы з ансамблем народнай песні “Спадчына” Пачапоўскага сельскага Дома культуры, якая адбылася ў Краснапольскім РЦК. Вельмі ўразіла замежнага госця любоў спявачак да народнай песні, іх каларытныя вобразы, аўтэнтычныя касцюмы, прыродная жартаўлівасць і адкрытасць. Па прызнанню маладога чалавека, ён, літаральна, адчуваў іх злітасць з песняй, вібрацыі іх сэрцаў, улюбёных у народную творчасць і свой родны кут. Госць з цікаўнасцю прыслухоўваўся да мовы, цікавіўся мовай “трасянкай”. А яшчэ – з задавальненнем уключыўся ў працэс аббівання зерня з каласоў нагамі праз народную гульню “Ходзіць бусел па жытніцы” і пабачыў, як малоцяць снапы з дапамогай цапоў.
Што тут яшчэ хочацца дадаць? Што нам добра жывецца і лёгка пяецца, бо жывём мы на сваёй роднай зямлі, пад мірным небам, адчуваем сябе шчаслівымі і ўпэўненымі ў заўтрашнім дні. І няхай прыязджаюць да нас з усяго свету і ўпэўніваюцца ў гэтым
Праграму праекта “Белыя росы” з удзелам краснапальчан можна будзе паглядзець, здаецца, 28 снежня. Сачыце за рэкламай і не прапусціце!
ВАЛЯНЦІНА МАРЧАНКА
Следующая публикация
Нет комментариев