Предыдущая публикация
Зернеўборачныя камбайны пакінулі палеткі.
У самым завяршэнні жніва з’явіліся чарговыя перадавікі-тысячнікі.
На гэты раз рубеж у адну тысячу намалочаных тон зерня перайшоў камбайнер ААТ «Агратэхсэрвіс» Анатоль Грыгаровіч. Больш адной тысячы тон зерня ад камбайнаў перавёз вадзіцель ААТ «Жвіранка» Святаслаў Яцэвіч.
— Дзякуючы сучаснай айчыннай тэхніцы мне ўдалося намалаціць запаветную тысячу тон зерня, — кажа Анатоль. — Спадзяюся, у наступным годзе вынік будзе значна вышэйшы.
Святаслаў Яцэвіч працуе ў ААТ «Жвіранка» другі год. Летась яму крыху не хапіла перавезеных тон зерня, каб трапіць у лік тысячнікаў. Сёлета мужчына прыклаў максімум намаганняў і дасягнуў чаканай мэты.
Павіншавалі аграрыяў з працоўнымі перамогамі старшыня райкама прафсаюза работнікаў АПК Аляксандр Гернат, кіраўніцтва і прафсаюзныя камітэты гаспадарак. Яны ўручылі аграрыям падзякі, памятныя падарункі і грашовыя прэміі.
Такім чынам, на сёлетнім жніве камбайнерамі-тысячнікамі сталі Юрый Ардынскі (ААТ «Даватарскі»), Яўген Пятрашка (ААТ «Жвіранка») і Анатоль Грыгаровіч (ААТ «Агратэхсэрвіс»). Больш адной тысячы тон зерня ад камбайнаў адвезлі вадзіцелі Мікалай Протас (КУВСП імя Маркава), Сяргей Курачкін (ААТ «Агратэхсэрвіс») і Святаслаў Яцэвіч (ААТ «Жвіранка»).
Следующая публикация
Нет комментариев