Предыдущая публикация
Հինգ բան, որ երիտասարդները կարիք ունեն լսելու
Հինգ բան, որ երիտասարդները կարիք ունեն լսելուԲառերը հաճախ շատ ավելի կաևոր են, քան մենք կարծում ենք: Բառերը կարող են վիրավորել կամ նույնիսկ սպանել, բայց նրանք կարող են նաև հաստատել և կառուցել: Ի՞նչ ենք մենք` որպես երիտասարդների առաջնորդ, ասում մեր երիտասարդներին: Բառերը, որ մենք օգտագործում ենք, տարբեր են: Ահա հինգ բան, որոնք երիտասարդները կարիք ունեն լսելու:
Աստված սիրում է քեզ. և դա կախված չէ նրանից, թե դու ինչ ես արել:
Սա նրանց համար գլխավոր ճշմարտությունն է և այն մեկն է, որ պիտի հաճախակի կրկնենք երիտասարդների հետ խոսելիս: «Կապ չունի, թե դու ինչ ես արել կամ ինչ կանես. Աստված միշտ քեզ կսիրի: Նա սիրում է քեզ, եթե նույնիսկ դու ամենամեծ մեղավորն ես, որ երբևէ եղել է երկրի վրա: Նա սիրում է քեզ, երբ դու ճնշված ես, բարկացած ես, սխալ քայլ ես արել… Նա սիրում է քեզ: Բացարձակապես չկա որևէ բան, որ դու անես, և դա Աստծուն ստիպի այլևս քեզ չսիրել: Նա ատում է մեղքը, բայց սիրում է մեղավորին». եկեք հաճախ սա ասենք երիտասարդներին և նրանց հաստատենք Աստծո սիրո մեջ նորից ու նորից՝ հորդորելով նաև, իհարկե, ապրել մեղքից հեռու և մեղքից ազատագրված:
Ես սիրում եմ քեզ:
Միգուցե սա կեղծ հնչի, բայց արդյոք գիտե՞ք, թե քանի երիտասարդ է սպասում, որ լսի այս բառերը ձեզնից: Ցույց տվեք, որ սիրում եք նրանց` նրանց հետ ժամանակ անցկացնելով, հարաբերությունները լավացնելով: Բայց մի մոռացեք նաև ասել այս բառերը. «Հե՛յ, եղբա՛յր, ես սիրում եմ քեզ, դու ինձ համար իմ փոքր եղբոր պես ես, գիտե՞ս: Ես սիրում եմ քեզ, աղջի՛կս (կամ քույրս), այնքա՜ն օրհնված եմ, որ քեզ ունեմ իմ կյանքում»: Ասացե՛ք այս բառերը և կտեսնեք, թե ինպես են նրանք փոխվում:
Ես ներում եմ քեզ:
Երիտասարդները կշփոթվեն: Այսպես, թե այնպես՝ նրանք թույլ կտան սխալներ, որոնք ձեզ վրա թանկ կնստեն կամ կվնասեն ձեզ: Թե դուք ինչպես կարձագանքեք, դա մեծապես կազդի նրանց վրա: Բառերը, որ ուզում են նրանք լսել, հետևյալն է. «Ես ներում եմ քեզ»: Նրանք պետք է իմանան, որ իրենց սխալները շտկելու անկյուն ունեն, ուր ամեն բան լավ կլինի խառնաշփոթից հետո:
Ո՛չ:
Երիտասարդները սահմանների և օրենքների կարիք ունեն, նրանք կարիք ունեն լսելու ձեր «ո՛չ»-ը: Որպես երիտասարդների առաջնորդ՝ կարևոր է հիշել, որ դուք պարզապես նրանց ընկերը կամ ծանոթը չեք: Դուք նրանց առաջնորդն եք: Նրանք հետևում են ձեզ:
Դա նշանակում է դնել սահմաններ և սիրով «ոչ» ասել, երբ երիտասարդները կանցնեն իրեց սահմանները: Հնարավոր է՝ ձեզ թվա, թե դուք վիրավորում եք նրանց` ասելով «ոչ», բայց հետո և՛ նրանց համար ավելի լավ կլինի, և՛ ձեր:
Շարունակի՛ր պայքարել:
«Աշակերտների սրտերը հաստատեցին և հորդորեցին, որ հաստատ կենան հավատքի մեջ: Եվ թե շատ նեղություններով պետք է մեզ մտնել Աստծո արքայությունը» (Գործք Առաքելոց 14.21):
Խրախուսել մեր երիտասարդներին՝ ամենևին էլ չի նշանակում ասել նրանց, թե ամեն բան լավ կլինի, որ վաղը ամեն բան այլ կլինի, կամ ուրիշների մոտ ավելի վատ է: Պողոսն ու Բառնաբասը երիտասարդներին քաջալերում էին` նրանց ճշմարտությունն ասելով: Պայքարներն ու փորձությունները քրիստոնյայի կյանքի մի մասն են: Պարզապես շարունակե՛ք պայքարել և մի՛ հանձնվեք: «Կցանկանայի՝ իմանայիր, որ դու մենակ չես». սրանք այն խոսքերն են, որ երիտասարդներն ուզում են լսել:
Երիտասարդ լինելը երբեք էլ հեշտ չի եղել և ոչ էլ հիմա է հեշտ: Նրանք ունեն մեր քաջալերման և աջակցության կարիքը և՛ իրենց ամենօրյա պայքարների, և՛ իրենց հավատքի մեջ: Բայց եկեք նրանց քաջալերենք ճշմարտությամբ, ոչ թե ծեծված խոսքերով: Եկեք օգնենք նրանց շարունակելու հարատևել իրենց հավատքի մեջ, պայքարելու և երբեք չհանձնվելու:
Следующая публикация
Комментарии 1