Ինչպե՞ս աղոթել, երբ աղոթելը դժվար էՉկա քրիստոնյա, որ չկարողանա հիշել ժամանակ, երբ իրեն դժվար է եղել աղոթել: Գուցե դա դու ես հիմա: Դու փափագում ես Տիրոջը հանդիպել, բայց չես կարողանում կենտրոնանալ, կամ քեզ համար պայքարի թեժ շրջան է:
Հռոմի Պապն ասել է մեկ անգամ. «Սուրբերը այն տղամարդիկ ու կանայք են, ովքեր լիովին մտնում են աղոթքի խորհրդի մեջ: Տղամարդիկ և կանայք, ովքեր աղոթքով են պայքարում, թույլ են տալիս Սուրբ Հոգուն աղոթել ու պայքարել իրենց մեջ:
Նրանք պայքարում են մինչև վերջ, իրենց ողջ ուժով և հաղթում են, բայց ոչ իրենց սեփական ջանքերով. Տերն է հաղթում նրանց մեջ և նրանց հետ:
Սա է քրիստոնեության ճանապարհը. մնալ հաստատ աղոթքի մեջ, որպեսզի հաստատ մնաս հավատքի ու վկայության մեջ»:
Եթե դու էլ ջանում ես հարատևել աղոթքի մեջ, կա մի քանի խորհուրդ, որ կարող է օգնել քեզ:
Հեռացրու ամեն շեղող բան.
Ակնհայտ է, բայց հաճախ մենք սա աչքաթող ենք անում: Անհնար է կենտրոնանալ Աստծո վրա, եթե քո հեռախոսը ամեն երկու րոպեն մեկ ազդանշան է տալիս: Մի կողմ դիր հեռախոսդ, գտիր հանգիստ մի վայր և փակիր դուռը հետևիցդ: Աստծո հետ առանձնանալը ավելի հեշտ է, երբ քո ուշադրությունը կենտրոնացած է Նրա վրա:
Եղիր կարգապահ.
Ուսումնասիրությունը ցույց է տվել, որ սովորության ձևավորման համար բավական է 66 օր: Եվ եթե դու պարբերաբար ժամանակ ես տրամադրում Աստծուն, դա ավելի հեշտ կլինի:
Փորձիր նոր բաներ.
Աստծո հետ հաղորդակցվելու համար պարտադիր չէ գտնել մի մենակյաց սենյակ ու առանձնանալ ողջ աշխարհից: Դու կարող ես զբոսնել ու խոսել Աստծո հետ ամեն ինչի մասին, որ ցանկանում ես: Տես, թե որն է Աստծո հետ հաղորդակցվելու համար քեզ հարմար ձևը:
Մտածիր քո ամեն կարողություններից վեր.
Աղոթքը կարող է ձանձրալի դառնալ, եթե միակ բանը, որ դու անում ես, երբ առանձնանում ես Աստծո հետ, դա քո կարիքների երկար ցուցակը պատմելն է: Կա վտանգ, որ այդպես մեր աղոթը կյանքից զուրկ լինի:
Աղոթքը Աստծուն լսելն է ու սավառնելը Նրա հետ միասին: Աղոթքի մեջ է, որ մեր միտքը լուսավորվում է, և մենք կարողանում ենք ամեն մեզ սահմանափակող շրջանակներից դուրս մտածել:
Դուրս արի քո ամեն սահմանափակումներից և սավառնիր Աստծո հետ միասին:
https://youtu.be/_TBbErGmDt0?si=ehqObBokGj0D2pFS 👈👈👈(ՍԵՂՄԻՐ,НАЖМИ) ՊԱՏԳԱՄԱԲԵՐ ՎԱՐԴԱՆ ՆԱՋԱՐՅԱՆ/ ԼՍԻՐ ՈՒ ԿԻՍՎԻՐ
Присоединяйтесь к ОК, чтобы подписаться на группу и комментировать публикации.
Нет комментариев