Предыдущая публикация
Томан сырган иртәләрдә
Бормаланып киртәләргә,
Көз сыланган..
Кинәт аксыл кояш тора,
Күктән торып авызын ера,
Әй кыланган..
Булсын әле көне кыска,
Сүртләргә шундый оста,
Ал буяудан..
Өрәңгеләр кызыл алсу,
Каеннары шундый моңсу,
Сары яккан.
Юеш чирәм череп бара,
Җиргә яткан.
Күл өсләре тынып калган,
Әрәмәләр күлмәк салган,
Эскерт калка,
Печәннәрен өеп куйган,
Керпе сыман тырпаешкан,
Болын ята.
Авыл, җыйган бакчаларын,
Түгеп инде чүп -чарларын,
Сөреп бара..
Кеше һаман кабалана,
-Көннәр-диеп, кышка бара,
Нидер кала..
Җылы якка кошлар оча,
Канатлары күкне коча
Моңлы тавыш,
Ахәң сала күкне ярып,
Сискәндерә җанда калып,
Көздә сагыш..
Рамзис Мишәр.
Следующая публикация
Нет комментариев