Предыдущая публикация
Heç vaxt evlənməmiş və övlad sahibi olmamış yazıçı Frans Kafka (1883-1924) Berlindəki bir parkda gəzərkən, ən sevdiyi gəlinciyini itirdiyi üçün ağlayan balaca bir qız uşağıyla tanış olur.
Kafka uşaqla birlikdə gəlinciyi axtarır, lakin tapmır. Ertəsi gün onunla gəlinciyi axtarmaq üçün yenidən görüşmək istədiyini söyləyir. Fəqət yenə tapa bilmirlər. Kafka qıza gəlincik tərəfindən yazılmış bir məktub verir. Məktubda "Lütfən ağlama, dünyanı görmək üçün bir səyahətə çıxdım. Sənə macəralarım haqqında yazacam" - deyilirdi.
Beləcə Kafkanın həyatının sonuna qədər davam edəcək bir hekayə başlayır. Kafka balaca qıza gəlinciyin macəralarından ibarət olan məktublarını oxuyar və sonra uşağın xoşuna gələn söhbətlər edərdi. Sonda Kafka Berlinə dönmədən öncə gəlinciyi qıza qaytarır (əslində mağazadan alır).
"Mənim gəlinciyimə bənzəmir" - deyən balaca qıza Kafka gəlinciyin yazdığı başqa bir məktubu da verir: "Səyahətlərim məni dəyişdirdi." Balaca qız yeni gəlinciyini qucaqlayır və özünü çox xoşbəxt hiss edir.
Bir il sonra Kafka ölür. İllər sonra yeniyetmə olan qız gəlinciyin içindən bir məktub tapır. Məktubda yazılmışdı:
- Yəqin ki, sevdiyin hər şeyi itirəcəksən, amma sonda sevgi başqa bir şəkildə sənə geri dönəcək...
İmza: Frans Kafka
Следующая публикация
Нет комментариев