Предыдущая публикация
ТУУЛГАН КҮН
Өмүр ылдам, а мен басам карыштап,
Өксүп кээде, бирде болсо чалыштап.
Капаланып кабыргам да кайышат,
Кетти менден кетти бир жыл алыстап.
Түмөндөгөн сан ойлорго чөмүлөм,
Таппай жообун күйүттөргө көмүлөм.
Жашоомдогу белгилүү күн болсо да,
Жашым өтүп баратканга өкүнөм.
Тартып санаа, кайгырууга себеп көп,
Туулган күнүң бир жылда бир келет деп.
Жакындарым каало тилек арнашса,
Кабыл алам мага арналган белек деп.
Бирок жаштык калды артымда алыстап,
Барам улам, карылыкка жакындап.
Сапырылып жалбырактар түшүүдө,
Саргайгансыйт бир кездеги жашыл бак.
Улутунуп оор үшкүрүп турамын,
Учту менден учту бир жыл алыстап.
Автор: Жыргалбек Усенов. 17.08.2024.
21:50 Москва
Следующая публикация
Комментарии 6