ЯК МИСРА ШЕЪР БАРОИ МОДАР НАВИСЕД:
Дуруде мефиристам, ман бароят,
Ба гӯшам мерасад, доим садоят.
Ба қалби ман касе нагрифта ҷоят,
Намеарзад, касе бар хоки поят!
Навозиш мекунӣ, бо дасти нармат,
Муҳаббат мекунӣ, аз қалби гармат.
Басо шаҳдрез аст, ҳарфу каломат,
Аё, модар шавам қурбони номат!
Агар бикшоӣ ту дасти дуоят,
Зи қалби пок бароварда садоят.
Гиреҳи мушкили ман боз гардад,
Бимирам, модар бар меҳру вафоят!
Шавам, як гул шукуфам дар баҳорат,
Чи хушбахтам, агар бошам, канорат.
Зи бас, ки бахшидӣ, бар ман ту меҳрат,
Ситора мешавам, дар шоми торат!
Комментарии 1