Къуырийы райдиан ныр 7-æм хатт Цæгат Ирыстоны райдыдта национ фестиваль «Фыдæлты фарн».

Йæ сæйраг нысан фæлтæрты ирон æгъдæуттимæ æмæ культурæимæ базонгæ кæнын. Мадæлон æвзагмæ уарзондзинад сæм равзæрын кæнын. Цалдæр боны базарадон-экономикон колледж æрбангом кодта фæсивæды.
Национ хæзнатæ бахъахъхъæнын ам ахсджиагыл нымайынц. Æрыгон адæм ерыс кæнынц чъиритæ кæнынæй, ирон бæгæны фыцынæй. Колледжы сфæлдыстадон къордтæ æмæ республикæйы артисттæ та фæстивалы архайджытæ æмæ уазджытæн бацæттæ кодтой концертон программæ.
Мадзал ахæсдзæн 2-æм декабрьмæ.
Рæсугъд бæрæгбон бабæрæг кодта Калоты Дзерассæ.