Предыдущая публикация
#Ҳадис_1341
Расулуллоҳ ﷺ дедилар:
«Умматимдан шундай кишилар борки, улар Қиёмат кунида Тихомату Байзо тоғича яхшиликлари билан келади. Аммо, Аллоҳ бу яхшиликларни тўзғиган хазонга айлантириб қўяди, улар биродарларингиз, қондош-қавмдошларингиздир. Тундан сизлар фойдаланганингиз каби фойдаланадилар. Лекин, улар шундай кимсаларки, агар ёлғиз қолсалар, Аллоҳ ҳаром қилган ишларни аниқ бажарадилар".
Изоҳ:
Гуноҳларни ошкор қилишдан ва ёлғиз ҳолатингда , ўзингни тиёлмай қолишдан эҳтиёт бўл. Аллоҳ бизнинг сирларимизни ҳам, ошкора ишларимизни ҳам билади. Аллоҳ ҳар бир нарсани билгувчи зотдир.
Ибн Можжа ривояти.
#Ҳадис_1341
Расулуллоҳ ﷺ дедилар:
«Қуёш мағрибдан чиқадиган кунгача (яъни, Қиёмат кунигача) кечаси гуноҳ қилган кимсалар тавба қилишлиги учун кундузида, кундузи гуноҳ қилган кимсалар тавба қилишлиги учун кечасида азиз ва улуғ Аллоҳ қўлини очиб туради".
Изоҳ:
Эй мусулмон биродарим, тезроқ тавба қилгин, тавбани орқага сурмагин, чунки Аллоҳ азоби аламли ҳамда яқиндир.
Имом Муслим ривояти.
#Ҳадис_1339
Расулуллоҳ ﷺ дедилар:«Сизларга Аллоҳ унинг туфайли хатоларни ўчирадиган ва даражаларни кўмарадиган амалларии айтайми?".
"Ҳа, ё Расулуллоҳ" дейишди. Шунда ул зот: "Кирлардан чиройли, мукаммал тазаланиш (таҳорат олиш), масжидларга кўп қадам ташлаш (бориш) ва бир намоздан сўнг кейинги намозга интизор бўлиш. Бу амаллар сизлар учун (Маҳкам ушлашингиз лозим бўлган) арқондир, бу амаллар сизлар учун арқондир, бу амалар сизлар учуи арқондир".
Имом Молик ва Муслим ривоятлари.
#Ҳадис_1340
Расулуллоҳ ﷺ дедилар:
«Агар банда хато (гуноҳ) қилса, қалбида қора доғ пайдо бўлади. Борди-ю гуноҳни тарк этиб, истиғфор айтса ва тавба қилса, қалби сайқалланади (покланади). Агар гуноҳ қилаверса, у доғ зиёдалашади, ҳатто қалбни қоплаб олади. Аллоҳ таолонинг: "Йуқ, балки уларнинг қалбларини қилиб ўтган нарсалари (гуноҳлари) қамраб олган", деганидаги қамров ана шу қамраб олишликдир.
Имом Аҳмад ривояти.
Следующая публикация
Нет комментариев