Предыдущая публикация
_ Մայրիկ,իսկ ընտանիքում ո՞վ է հայրիկը։
_ Տան գլխավորը,տան տանիքն ու տան պարիսպը։
_ Իսկ մայրի՞կը։
_ Տան սյունը,տան լիությունն ու շունչը։
_ Իսկ տատի՞կը։
_ Տատիկը տան համն ու հոտն է,տան ջերմությունն է։
_ Բա պապի՞կը։
_ Պապիկը տան թագավորն է,օջախի հույսն ու հիմնադիրն է։
_ Իսկ ապերն ու քույրիկներս ովքե՞ր են մեր ընտանիքում։
_ Եվ դու,և նրանք մեր ընտանիքի ուրախությունն ու լույսն եք,մեր կյանքի իմաստն ու նպատակը։
_ Մայրիկ,իսկ ո՞րն է ամուր ընտանիքի գրավականը։
_ Փոխադարձ սերն ու հարգանքն է միմյանց նկատմամբ։
_ Իսկ մեր ընտանիքում ո՞վ է ամենից ուժեղը։
_ Նա,ով կարողանում է ներողամիտ և հանդուրժող լինել։
_ Իսկ ֆիզիկապե՞ս։
_ Հայրիկն է ուժեղ։
_ Մայրիկ,իսկ դու ինչու՞ ես ճաշն առաջինը պապիկին լցնում։
_ Որովհետև մեր տան մեծն է,մեր ընտանիքի գլխավորը։
_ Մայրիկ,ես այնքան շնորհակալ եմ Աստծուն,որ քեզ ունեմ։Դու ուղղակի հրաշք ես։
_ Այդ ես եմ շնորհակալ,որ քեզ նման անուշ և խելացի բալիկ ունեմ,իմ անգին գանձ։
_ Թող Աստված միշտ պահապան և օգնական լինի մեր ընտանիքին։
_ Ամեն։Փոքրիկս Աստված արդեն օրհնել է մեզ,քանի որ մեր ընտանիքն անփոխարինելի և ամենից արժեքավոր հարստությունն է մեր երկրային կյանքում։
Следующая публикация
Нет комментариев