Предыдущая публикация
Գլուխս ուսիդ դնեմ ու կտրվեմ աշխարհից , խոսեմ ամենքից , բայց լինեմ բոլորից հեռու ։ Ուսերդ ինձանով անեմ ու դարձնեմ իմ փրկությունը , փրկվեմ խառը մտքերից ու մտքերով դառնամ դեպի Քեզ ։
Կիսեմ հետդ ամբողջ օրս ու օրս դարձնեմ քոնը ...թևերս փաթաթեմ վզովդ, սրտիդ ավելի մոտ լինեմ ու ՔԵԶՈՏՎԵՄ....
Տես, մատներս էլ չեն դողում , սառցե ձեռքերս ափիդ մեջ հալեցրել ես , նույնիսկ ձմեռն է ինձ համար շատ տաք դարձել.... գարունոտել ես սիրտս ....
Քեզանով ես արել ինձ , մտքերս ու նույնիսկ շունչս է քեզաՊատված .... դարձել եմ անԻնձ ու քեզաշատ է դարձել իրականությունս....
Ժամերը ինձ չեն հերիքում, քչություն ես անում ինձ 24 ժամվա համար .... կարոտով եմ անցկացնում ամեն վայրկյանս , նույնիսկ գրկումդ լինելով եմ քեզ կարոտում ....
Իմ լիությունն ու մտքերիս հանգստությունն ես դու ... սրտիս զարկն ու բաբախյունն ես դու .... ինձ կարևորողն ու անմահ դարձնողն ես դու .... ու վերջապես դու այն ուրիշն ես , ով երբեք չի լինի նման ..... ❤️
©Սյու Զան
Следующая публикация
Нет комментариев