"Yangi Choshtepa" mahallasida Toshkent shahar hokimi o'rinbosari – Oila va xotin-qizlar boshqarmasi boshlig‘i, Toshkent shahar IIBB HPB boshlig‘ining o‘rinbosari, tuman oila va xotin-qizlar bo‘limi boshligi va yangihayotlik xotin-qizlar ishtirokida davra suhbati tashkil etildi.

Uchrashuvda mas’ul rahbarlar mahallalarda xavfsiz muhitni yaratish va jinoyatchilikning barvaqt oldini olishda xotin-qizlar faolligi va ishtirokining muhim ahamiyatga ega ekanligini eslatib o‘tdi.
Shuningdek, tadbir davomida mas’ullarga mahallardagi notinch, ajrim yoqasiga kelib qolgan oilalarning mavjud muammolarini o‘rganish, ular bilan manzilli ishlash, ishlar samaradorligini oshirish, aholining huquqiy ongi va madaniyatini yuksaltirish maqsadida muntazam targ‘ibot tadbirlarini o‘tkazish bo‘yicha ko‘rsatmalar berildi.
© Yangihayot tumani hokimligi Matbuot xizmati