Предыдущая публикация
Sport vazirligida vazir oʻrinbosari Shaxrillo Maxmudov, IIV Toshkent shahar Ichki ishlar bosh boshqarmasi Axborot texnologiyalari sohasidagi jinoyatchilikka qarshi kurashish boshqarmasi masʼul xodimi Sodiqjon Xudoykulov, vazirlik markaziy apparati hamda hududiy sport boshqarmalari xodimlari ishtirokida kiberjinoyatchilikning oldini olishga qaratilgan profilaktik tadbir oʻtkazildi.
Yigʻilishda S. Xudoyqulov tomonidan internetdagi maʼlumotlar bilan ishlashda axborot xavfsizligi borasida tushuntirish ishlari olib borildi. Kibermadaniyatni yuksaltirishning dolzarb ahamiyati haqida soʻz bordi.
Rivojlanib borayotgan axborot texnologiyalari asrida sodir etilayotgan jinoyatlar orasida internet va kompyuter bilan bogʻliq holatlar nisbati keskin oshib ketayotgani taʼkidlab oʻtildi.
Shu sababli kiberjinoyatlarning oldini olish va unga qarshi kurashishda barcha fuqarolarimizda “kibergigiyena”ni shakllantirish zarurligi va bu borada hamkorlikda ish olib borish maqsadga muvofiqligi qayd etildi.
Tadbir davomida mavzu doirasidagi savollarga mutaxassis tomonidan atroflicha javoblar qaytarildi.
© Sport vazirligi
Следующая публикация
Нет комментариев