Предыдущая публикация
22.
10.2024 апублікаваны зацверджаны Мінкультуры праект зоны аховы гісторыка-культурных каштоўнасцей.
Праект зон аховы нерухомай матэрыяльнай гісторыка-культурнай
каштоўнасці «Гарадзішча» на левым беразе р. Бярэзіна, у паўночнай
частцы аграгарадка Гарадок Маладзечанскага раёна Мінскай вобласці
ГЛАВА 1
АГУЛЬНЫЯ ПАЛАЖЭННІ
1. Праект зон аховы нерухомай матэрыяльнай гісторыка-культурнай каштоўнасці
«Гарадзішча» на левым беразе р. Бярэзіна, у паўночнай частцы аграгарадка Гарадок
Маладзечанскага раёна Мінскай вобласці (далей – праект зон аховы) распрацаваны
на падставе пункта 3 артыкула 105 Кодэкса Рэспублікі Беларусь аб культуры.
2. «Гарадзішча» на левым беразе р. Бярэзіна, у паўночнай частцы аграгарадка
Гарадок Маладзечанскага раёна Мінскай вобласці з’яўляецца нерухомай матэрыяльнай
гісторыка-культурнай каштоўнасцю катэгорыі «3» (далей – гісторыка-культурная
каштоўнасць), якая ўключана ў Дзяржаўны спіс гісторыка-культурных каштоўнасцей
Рэспублікі Беларусь пад шыфрам 613В000305.
3. Праект зон аховы распрацаваны дзяржаўнай навуковай установай «Інстытут
гісторыі Нацыянальнай акадэміі навук Беларусі» па заказе дзяржаўнай установы
«Маладзечанскі міжгаліновы цэнтр забеспячэння дзейнасці бюджэтных арганізацый».
4. Праект зон аховы распрацаваны з мэтай забеспячэння захавання гісторыка-
культурнай каштоўнасці і яе навакольнага асяроддзя, заключаецца ў вызначэнні мяжы тэрыторыі гісторыка-культурнай каштоўнасці, ахоўнай зоны гісторыка-культурнай
каштоўнасці (далей – ахоўная зона), зоны аховы культурнага пласта (слоя) гісторыка-
культурнай каштоўнасці (далей – зона аховы культурнага пласта (слоя) і іх межаў,
рэжымаў іх утрымання і выкарыстання.
5. Праект зон аховы распрацаваны на падставе архіўна-бібліяграфічных, натурных
і археалагічных даследаванняў, аналізу ландшафту.
Схема зон аховы гісторыка-культурнай каштоўнасці дадаецца.
ГЛАВА 2
ТЭРЫТОРЫЯ ГІСТОРЫКА-КУЛЬТУРНАЙ КАШТОЎНАСЦІ
6. Тэрыторыя гісторыка-культурнай каштоўнасці вызначана па вонкаваму падножжу
вала гарадзішча.
7. Мяжой тэрыторыі гісторыка-культурнай каштоўнасці згодна з дадаткам
з’яўляецца ўмоўная лінія, якая ідзе ад кропкі 1 па краю падножжа праз кропкі 2–3–4–5–6–
7–8–9–10–11–12–13 да кропкі 1.
8. На тэрыторыі гісторыка-культурнай каштоўнасці забараняецца выкананне
земляных, будаўнічых, меліярацыйных і іншых работ, без забеспячэння археалагічнага
нагляду і рэалізацыі мер па ахове археалагічных аб’ектаў у адпаведнасці з артыкуламі 129
і 130 Кодэкса Рэспублікі Беларусь аб культуры.
ГЛАВА 3
АХОЎНАЯ ЗОНА. ЗОНА АХОВЫ КУЛЬТУРНАГА ПЛАСТА (СЛОЯ)
9. Ахоўная зона і зона аховы культурнага пласта (слоя) устаноўлены для выяўлення
і даследавання магчымых археалагічных аб’ектаў і артэфактаў на тэрыторыі, непасрэдна
прылеглай да гісторыка-культурнай каштоўнасці.
10. Знешняй мяжой тэрыторыі ахоўнай зоны і зоны аховы культурнага пласта (слоя)
з’яўляецца ўмоўная лінія, якая згодна з дадаткам праходзіць ад кропкі 14 праз кропкі 15–16–
17–18–19–20–21–22–23–24–25–26 да кропкі 14.
Унутранай мяжой ахоўнай зоны і зоны аховы культурнага пласта (слоя) з’яўляецца
мяжа тэрыторыі гісторыка-культурнай каштоўнасці.
11. На тэрыторыі ахоўнай зоны і зоны аховы культурнага пласта (слоя) забараняецца
выкананне земляных, будаўнічых і меліярацыйных работ без забеспячэння археалагічнага
нагляду і рэалізацыі мер па ахове археалагічных аб’ектаў у адпаведнасці з артыкуламі 129
і 130 Кодэкса Рэспублікі Беларусь аб культуры.
Следующая публикация
Комментарии 1