Предыдущая публикация
Автомобил шинаси
Эрининг вафотидан сўнг уч
боласи билан қолди. У шу
кунгача уй бекаси бўлиб, бирон
бир жойда ишламаган,
фарзандларини боқиш учун иш
қидириб қилган ҳаракатлари
эса ҳеч қандай натижа
бермади. Турмуш ҳаёти кундан-
кунга ёмонлашиб , кимдан
ёрдам сўрашни билмасди.
Ноиложлик, болаларини ўйлаб
тушкунликка тушган ҳолда
кўчага чиқиб энди бегона
одамлардан ёрдам сўрашликка
қийинчилик билан ўзини
кўндирди. Бир-икки кўчалардан
ўтиб , қатор дўконлар олдида
ҳозиргина келиб тўхтаган такси
автомабилни кўрди. Такси эгаси
одатдaгидек мижозини
манзилда тушириб кетмоқчи
бўлиб турган эди. Ожиза:
- “Мижозини ҳозиргина
манзилда қолдирган экан,
балким менга ёрдам бера олар,
сўраб кўрсаммикин ”, - деб
ўйлади.
Мана неча кундирки у туз
тотмаган, шу сабабдан
очликдан жуда ҳолсиз эди.
Ҳайдовчининг олдига
яқинлашиб, кўз ёшларини зўрға
ушлаган ҳолда, сўзларини ҳам
қийинчилик билан топиб, унга
илтимос қилди: “Аллоҳ учун…
болаларимга бирон бир нарса
едиришим учун ёрдам
беролмайсизми. Агар ёлғиз
ўзим бўлганимда, тиланчилик
қилмаслик учун очликдан
ўлишга ҳам рози бўлардим.
Лекин болаларимни кўз
ёшларига,
қийналишаётганларига
бепарво қаролмайман . Сиздан
Аллоҳ учун ёрдам сўрайман
менга қандайдир ёрдам
беролмайсизми”. Ҳайдовчи
калласида фикрлар ғужғон
ўйнади. “Ҳозир сени ўзингга
ёрдам керак, энди ўткан –
кетган тиланчиларни эштишинг
қолувди. Унақалар шунчалик
кўпайиб кетишганки, барибир
ҳаммасига пулинг етмайди...” –
нимадир қулоғига “қимматли
маслаҳатини” шипшигандек
бўлди.
Лекин сўрагувчининг кўриниши
баъзи бир тиламчиликни касб
қилиб олганлардек эмаслиги,
унининг сўзларидаги
самимийликни, асосийси Аллоҳ
учун сўралган ёрдам - иймон
эгаси бўлган такси эгасини
васвасага солмади.
Ҳайдовчи ҳамёнидан катта
миқдордаги пулни олиб,
аёлнинг қўлига тутказди-ю ,
зудлик билан машинасини
ҳайдаб кетди. Қувончдан кўз
ёшлари селдек оққан заифа
раҳмат айтишга ҳам
улгиролмади. Аёл унинг
ортидан - Аллоҳдан ўзига
ёрдам берган бегона инсонга
яхшиликларини беришини
сўраб дуо қилиб қолди.
У аёлнинг сўзларини эшитиб,
ёрдам берар экан, кўп
вақтлардан бери йиғиб келган
ўша пуллар - анчагина қисми
емирилиб кетган машина шина
(ғилдиракка кийдирилган
темир ёки резина чамбар)сини
алмаштириш учун сақлаб
қўйганлигини ўйламади ҳам.
Ҳайдовчиниг аёли эса пул ўз
миқдорига жамғарилган кундан
бери автомабил шинасини
алмаштиришини унга ҳар доим
эслатарди. Ўша кеча ҳам.
Албатта у эридан ҳавотирланар,
эртаю кеч ҳайдовчилик
қиладиган эри автомабилдаги
ноқислик - авто ҳалокатга
сабаб бўлишидан қўрқар эди.
Мана неча кундирки у ҳар кеча
хотинининг бу ҳақдаги
гапларини эшитар экан, бу
баҳслашув жанжалга айланиб
кетмаслигини олдини олиб
келарди. Лекин йиғилган у
пулларни қаерга кетганлигини
ҳам айтмас эди. Бир куни
навбатдаги баҳслашув
бошланганда такси эгаси
чидолмайин хотинига бир уста
билан гаплашим қўйганини,
устанинг вақти бўшаши билан
автомабилнинг шинасини
алмаштиришга келишини
айтди.
Бир куни кечаси уйига қайтган
эр хотинининг: “Уста келиб-
кетти, сиз мана бу манзилга
бориб машинанинг шинасини
алмаштиришлигингизни айтди”
деган сўзларини эшитиб қотиб
қолди. Лекин ҳайратга
тушганлигини билдирмай,
гарчи қоғоздаги манзил ва
устанинг исми унга нотаниш
бўлсада аёлига бу ўша келишиб
қўйилган уста эканлигини
айтди.
Унга шу кеча жуда чўзилиб
кетгандек бўлди. У ҳайратда ва
қизиққанлигидан ухлай ҳам
олмади. Уни бир савол қийнар
эди: Бу ким бўлиши мумкин? Ва
мен шиналарни
алмаштиришим керарлигини
қаердан билди экан?
Эрталабдан ҳаттоки нонушта
қилмасдан у биринчи навбатда
қоғозда кўрсатилган манзилга
борди. Устахонага кириб, кеча
уйлигига келган кишини топди.
Уста унинг такси эгаси
эканлигини билибоқ, кўз
ёшларини тўхтатолмасдан уни
қучоқлаб олди-да шундай
дерди: “Аллоҳ розилиги учун
айт, илтимос - Нима
қилганингни айт? Қандай иш
қилдинг? Илтимос Аллоҳ учун
айт – Нима иш қилдинг-ки мана
уч кун кетма-кетки тушимда
Расулуллоҳ саллоллоҳу алайҳи
васаллам менга - сеникига
бориб, машинангни
шиналарини алмаштириб
беришлигимни айтганларини
кўраман...”
Нигора Неъмат қизи
Следующая публикация
Комментарии 2
opa uzizmi lekin buncha gaplarizni uqib boshqacha bulib ketdim uyladim shu paytgacha kimgadur yaxshilik qildimi kimgadur yordamim tekganmi deb qaniydi opa xamma siz kabi bulsa edi balkim xayotda yaxshilar kup bulardi.