Предыдущая публикация
Bəndənin Tanrıya küs olduğunu,
Həyatın nə qədər pis olduğunu,
Səni başqasıyla görəndə bildim.
Yerim məzar imiş, gor imiş mənim,
Beynim duman imiş,tor imiş mənim.
Sən demə gözlərim kor imiş mənim,
Səni başqasıyla görəndə bildim.
Gərək hislərimə çəkəydim sərhəd,
O zaman olmazdı günəşim zülmət.
insanı nə hala salır məhəbbət,
Səni başqasıyla görəndə bildim.
Sevgi ağacının dərdi nübarmış,
Göz yaşım sevginin kökün suvarmış.
Sevgidən nifrətə bir addim varmış,
Səni başqasıyla görəndə bildim.
Bu necə taledir,bu necə qismət?
Özgəsin sevmisən əzəldən əlbət.
İnsanın qəlbini didir xəyanət,
Səni basqasıyla görəndə bildim
Qələmsiz Şair Emral Osmanov
Присоединяйтесь к ОК, чтобы подписаться на группу и комментировать публикации.
Нет комментариев