Достар, бүгін біз сіздермен 2019 жылдың қорытындысы жайлы ақпаратпен бөлісеміз.

Қазіргі кезде 1,5 млн қазақстандық Тұрғын үй құрылыс жинақ банкіне сенім білдіріп, 400 мыңдай адам осы жылы депозит ашты.
Ал, 48 414 отбасы биыл өз баспанаcы үшін жылдық 2-8,5%-дық ең төменгі мөлшерлемемен несие алды. Күн сайын банктің көмегімен кемінде 160 салымшы қоныс тойын атап өтуде! Бұл жөнінде бүгін өткен баспасөз-конференциясы барысында Тұрғын үй құрылыс жинақ банкінің басқарма төрайымы Ләззат Ибрагимова мәлімдеді.
- Тұрғын үй құрылыс жинақ банкі өнімдері қолжетімді болғандықтан, сондай-ақ, халықтың банкке деген үлкен сенімділігінің нәтижесінде осы өнімдерге деген сұраныс өте жоғары. Біз алға қойған мақсаттарымызды толықтай орындап шықтық деп санаймыз. Дәлірек айтсақ, біз биыл аса маңызды мемлекеттік міндеттердің бірі – табысы төмен отбасыларға арналған «Бақытты отбасы» бағдарламасын дайындап, іске қостық. Қазіргі сәтте, 4 053 отбасы қоныс тойын атап өтті. Бұдан бөлек тағы 736 отбасы өтінімдері бойынша оң шешім алып, қазір өздеріне лайықты үйлерді іздестіру үстінде, - деп атап өтті Ләззат Ибрагимова.
Сонымен қатар, банк әрбір алтыншы несиені «Нұрлы жер» бағдарламасы аясында берді. Ал, Тұрғын үй құрылыс жинақ банкінің «Әскери баспана» атты жеке бағдарламасының бойынша 2019 жылы 3 811 әскери қызметкер баспаналы болды.
Біз клиенттерімізге сапалы қызмет көрсету үшін барынша жағдай жасауға тырысудамыз. Мәселен, 2019 жылы алдын-ала банктік біліктілік пен банк кеңесшілері арқылы қашықтан несиелік өтінімдерді қабылдау процесін іске қостық. Яғни, енді Тұрғын үй құрылыс жинақ банкінің клиенттеріне несие бойынша өз мүмкіндіктерін алдын-ала бағалау үшін банк бөлімшесіне барудың қажеті жоқ. Олар өзіне ыңғайлы уақытта кез-келген жерге банк кеңесшісін шақыртуына болады. Олар қашықтан депозит ашумен қатар, салымшының төлем қабілеттілігін шамалап есептеп, алдын-ала мақұлданған несие сомасы көрсетілген арнайы сертификатты береді.
#hcsbk #zhilstroy