Предыдущая публикация
Ha, qizaloq, sovqotdingmi?
Ko’ylagingni yo’qotdingmi?
Yo shunchaki odatingmi?
Buncha yupun kiyimdasan?
Asl qizlar ibolidir,
Ko’ylaklari chiroylidir,
Shu sababmi ibolidir,
Buncha yupun kiyimdasan?
Maykami bu egningdagi?
Shu modaMI ko’nglingdagi?
Holingmi-a belingdagi?
Buncha yupun kiyimdasan?
Shim kiyibsan, yigitdayin.
Qayda nima endi tayin,
BOKIRALIK senga qiyin
Buncha yupun kiyimdasan?
Chupa-chupsmi qo’lingdagi?
Menga ayon dilingdagi
OKEY, PLIZ tilingdagi
Buncha yupun kiyimdasan?
Yevropaga borganmisan?
Yo TV da ko’rganmisan?
Qibladan yuz burganmisan?
Buncha yupun kiyimdasan?
Havaskorlar yo’ling poylar,
Gullar tutib ko’ngling ovlar,
Xilvatlarda yuzing dog’lar,
Buncha yupun kiyimdasan?
Qiziq, yoring kim bo’larkin?
Tarbiyangga kim ko’narkin?
Sendan qanday baxt ko’rarkin?
Buncha yupun kiyimdasan?
Ro’zg’or nima? Bilasanmi?
Idish-tovoq yuvasanmi?
Pardozzis ham yurasanmi?
Buncha yupun kiyimdasan?
Alloh deysan, tanimasdan
Xurofotdan arimasdan,
Tovba qilgin, qarimasdan
Buncha yupun kiyimdasan?
Go’yo xursan, ham malaksan
Go’zallikdan bir daraksan,
Asli ayt, kimga keraksan?
Buncha yupun kiyimdasan?
Friskami? Shakirami?
Idealing kofirami?
O’ylanaman, aqling kami?
Buncha yupun kiyimdasan?
O’zi iymon bersin ekan,
Hidoyatga bursin ekan,
Suysa, o’zi suysin ekan,
Buncha yomon kiyimdasan?
Momolaring xur edilar..
Islom uchun nur edilar,
Senga hayf, suf deydilar…
Buncha yupun kiyimdasan
Shunday o’lsang aniq joying,
Jahannamda bo’lar to’ying,
Faryod bo’lar suygan erring
Buncha yupun kiyimdasan?
Balki meni yomon deysan,
Aslo qolmas omon deysan,
Hali pushaymonlar yeysan
IBLIS TIKKAN KIYIMDASAN!
Следующая публикация
Нет комментариев