Предыдущая публикация
АҠ ЯУЛЫҠ
Булған йола Ҡафтау яҡтарында -
Ҡыҙып киткән саҡта яу-ҡырғын,
Ҡан ҡойошто туҡтаталған ҡатын,
Башындағы ташлап яулығын.
Ниңә генә бөтә Ер йөҙөндә
Таралманы икән шул йола?!
Бер тамсы ҡан тама күрмәһен тип
Түшәп сығыр инек яу-юлға...
Аҡ яулығым сисеп башҡынамдан,
Өмөт менән күккә күҙ атып,
Аҡ яулыҡтар булып яуһын тиеп
Аҡ болотто ҡалам оҙатып...
Гүзәл Ситдиҡова
Следующая публикация
Нет комментариев